வார்த்தைகள்…

நான் உன்னிடம்
பேசாமல் விட்ட
வார்த்தைகளும்
நீ என்னிடம்
பேசாமல் விட்ட
வார்த்தைகளும்
இப்போது பேசிக்கொள்கின்றன
நம்மைப்பற்றி!

காதலன்-கணவன்…

என்
மல்லிகை வாசமும்
பவுடர் வாசமும்
மட்டும் உணர்ந்திருந்த
அந்த நாட்களில்
தேவதை என்றவன்

என்
அக்குள் வியர்வை
எச்சில் சுவை
எல்லாம் உணர்ந்தபின்
சொல்கிறான்
சனியனே!

உனக்காக மட்டும்…

என்னைப் பற்றி
உனக்கு
எதுவுமே தெரியாது
என்கிறாய்

உண்மைதான்

உன்னைப் பற்றி
எனக்கு அவ்வளவாக
தெரியாதுதான்

ஆனால்
உன்னால் தான்
வாழ்க்கையை பற்றி
நான் தெரிந்துகொண்டேன்

உனக்காக மட்டும்…

உனக்கு
கவிதைகளில்
அதிகம் ஈடுபாடு
இருந்ததில்லை

என் தமிழ்கூட
புரியவில்லை
என்று எப்போதோ
சொல்லியதாக
ஞாபகம்

இருந்தும்
உனக்கு கடிதம்
எழுதுவதை
ஒரு கடமையாகவே
வைத்திருந்தேன்

என்னை உனக்கு
ஞாபகப்படுத்த
நான் எழுதிய
கடிதங்களை
என்ன செய்தாய்
என்பது
தெரிய வேண்டும்

உன் வீட்டு
குப்பை கூடையை
கேட்டால் தெரியுமா?

உனக்காக மட்டும்…

ஏதாவது காரணம்
கண்டுபிடித்து
என்னை வெறுத்துவிடு
என்றாய்

சிரிப்புதான்
வந்தது

உன்னை எதனால்
நேசிக்கிறேன்
என்பதற்கே
காரணம்
கண்டுபிடிக்க முடியாத
நான்

உன்னை வெறுப்பதற்கு
ஒரு காரணத்தை
எப்படி கண்டுபிடிப்பேன்?

உனக்காக மட்டும்…

காற்று
செடியில் இருக்கும்
பூவை
அசைக்கும் போதெல்லாம்
எனக்கு
ஞாபகம் வரும்
உன் நடனம்

ரோட்டோரம்
அறுந்து கிடக்கும்
அந்த ஒற்றை
செருப்பை
பார்க்கும் போதெல்லாம்
எனக்கு ஞாபகம்
வருகிறது
உனக்கான என்
நேசம்

உனக்காக மட்டும்…

மனசுக்குள்
மல்லிகை கொடியாய்
உன் நினைவுகளை
படர விட்டு
உனக்கு சொல்லியனுப்ப
நினைத்திருந்தேன்

நீ ஒரு புயலை
அனுப்பினாய்

புயல் வந்துவிட்டு
போன பிறகுதான்
என் தவறு
எனக்கு புரிந்தது

Interests…

குழந்தை

அதன் அம்மாவின் கன்னம்!

கவிதை

பறிக்கப்படாத ரோஜா

பனித்துளி

சாயங்கால மழை

நகரும் மேகங்கள்

என் ஜன்னலில் தெரியும் நிலா

அதிகாலை சூரியன்

காற்றில் அடும் தீபம்

தூரத்து மலை தொடர்

நடுஇரவு நிசப்தம்

பொட்டைவெளியில் ஒற்றை பனை மரம்

தொண்டைக்குள்ளிருந்து உணவு கக்கி குஞ்சுக்கு ஊட்டி விடும் தாய் காகம்

சுல்லென்ற வெய்யில்

காகித கப்பல்

கண்ணாடி வளையல்

தெருச்சண்டை

மஞ்சள் பூசிய முகம்

சலங்கை

அரசமரத்து விழுதுகள்

தப்பான கிராமெர்

அனுமதி வாங்காது என் அறைக்குள் நுழையும் சிட்டுக்குருவி

கொலுசு ஸப்தம்

கனகாம்பரம்

விடை தெரியாத கேள்விகள்

தாவணி போட்ட பெண்

மூக்குத்தி

காகித கப்பல்

மை பூசிய இருட்டு

அழகான பெண்ணின் அலட்டல்

தண்ணி ஜடை

பாசை புரியாத சினிமா

குழந்தையின் அம்மண படம்

தயிர்சோறு

கடுகு

தெரு நாய் (பெயர் மணி)

எலுதப்படாத காகிதம்

கற்பூரத்தின் கெமிஸ்ட்ரி

முருங்கைகாய் சாம்பார்

மண் பானை தண்ணிர்

வாசலில் கோலம்

ஸ்டவ்வின் ஃப்ளு ஃபிலேம்

விசிலடிக்கும் குக்கர்

கடைசி பக்கம் கிழிந்துபோன கிரைம் நாவல்

மொட்டை மாடியில் டின்னர்

தென்னை ஓலை

ரூபாய் நோட்டில் காந்தி படம்

சப்தம் போடும் டவுன் பஸ்

ஜன்னலோர இருக்கை

இளமையில் நரை

கர்பிணி பெண்ணின் நடை

கஸ்துரி மஞ்சள்

அமாவாசை

கொட்டாங்குட்சி

தாஜ்மஹல்

சின்ன குழந்தையின் பஞ்சுப் பாதங்கள்

ட்யூப் லைட்

காய்கறி கடையில் பேரம்

க்ரீஸ் போடத கதவு

கடலை மிட்டாய்

கல்யாணம் முடிந்தபின் வந்து சேரும் அழைப்பிதள்

கஸ்டமான தியரி

வாழ்க்கை